Да пабачэння, дзіцячы сад!
03.06.2024Выпускны ў дзіцячым садзе - гэта самае яркае, доўгачаканае і незабыўнае свята для дзяцей, якое сімвалізуе заканчэнне выдатнай дашкольнай пары. Гэта не толькі развітанне з дашкольным дзяцінствам, але і першы свядомы крок у будучае школьнае жыццё!
З аднаго боку гэта радаснае, доўгачаканае свята, з другога – крыху сумная падзея. Радасна педагогам ад таго, што іх выхаванцы пераходзяць на новую жыццёвую прыступку, а сумна - што даводзіцца расставацца з такімі мілымі, якія ўжо сталі роднымі дзецьмі. Здаецца, што нядаўна яны пачалі хадзіць у дзіцячы садок, але ўжо вось і будучыя першакласнікі.
Выпускны баль прайшоў у цёплай, кранальнай і сяброўскай абстаноўцы. Пачалося свята з урачыстага выхаду выпускнікоў - дзеці неяк адразу пасталелі: прыгожыя, прыбраныя, яны сталі падобныя на школьнікаў. На працягу ўсяго ранішніка яны паказалі свае веды і ўменні, якія набылі за гады, праведзеныя ў дзіцячым садку: праспявалі шмат песень, расказалі вершы, парадавалі танцамі.
Нашы бацькі сталі актыўнымі ўдзельнікамі свята, павіншавалі выпускнікоў, уручылі ім падарункі і вядома ж вымавілі словы падзякі выхавальнікам, адміністрацыі і ўсім работнікам дзіцячага сада.
Наперадзе чакае яшчэ шмат новага і захапляльнага, але гэтае свята дзеці запомняць на ўсё жыццё! Апошняе свята дашкольнага дзяцінства.
Жадаем поспехаў нашым выпускнікам!
Мы ганарымся вамі і вельмі Вас любім!
Вы лепшыя!
03.06.2024 16:34 - 03.06.2024 16:59