Умовы прыёму ва ўстанову адукацыі
Прыём выхаванцаў ва ўстанову для атрымання дашкольнай адукацыі ажыццяўляецца на падставе:
-заявы законнага прадстаўніка дзіцяці;
-медыцынскай даведкі аб стане здароўя;
-накіравання ва ўстанову для асваення зместу адукацыйнай праграмы дашкольнай адукацыі, выдадзенага мясцовым выканаўчым і распарадчым органам па месцы знаходжання ўстановы;
-(для асоб з асаблівасцямі псіхафізічнага развіцця – заключэнне цэнтра карэкцыйна - развіваючага навучання і рэабілітацыі).
Камплектаванне груп установы дашкольнай адукацыі і перавод выхаванцаў з адной узроставай групы ў другую ажыццяўляецца штогод на пачатак навучальнага года -
першага верасня.
Выхаванцы аб'ядноўваюцца ў групы:
першая рознаўзроставая (ад 2 да 4 гадоў);
другая рознаўзроставая (ад 4 да 6 гадоў).
Алгарытм дзеянняў па залічэнні дзіцяці ў дзіцячы сад у Рэспубліцы Беларусь.
Дзеянне №1. Становімся на ўлік
Для пастаноўкі на ўлік неабходна звярнуцца з адпаведным запытам у службу "Адно акно" Лагойскага райвыканкама, вул. Савецкая,15.
Дакументы неабходныя для пастаноўкі:
- пашпарт або іншы дакумент, які пацвярджае асобу (арыгінал);
- пасведчанне аб нараджэнні дзіцяці (арыгінал).
Дзеянне №2. Атрымліваем накіраванне ў дзіцячы сад
Накіраванне выдаецца аддзелам адукацыі, спорту і турызму Лагойскага райвыканкама пры наяўнасці свабодных месцаў і дакументаў, як і ў выпадку пастаноўкі на ўлік (гл. вышэй). Тэрмін дзеяння накіравання -15 дзён. Рэкамендуецца на працягу названага тэрміну атрымаць адпаведныя дакументы:
- медыцынская даведка аб стане здароўя;
- заключэнне Дзяржаўнага цэнтра карэкцыйна-развіваючага навучання і рэабілітацыі (для спецыяльных груп, груп інтэграванага навучання і выхавання).
Дзеянне №3. Накіроўваемся ў дзіцячы сад з адпаведным пакетам дакументаў.
Прыём ажыццяўляецца круглы год пры наяўнасці свабодных месцаў ва ўстанове і адпаведнага пакета дакументаў (гл. вышэй) . Разам з тым, агульнапрынятым днём з'яўляецца 1 верасня (Частка 1 пункта 46 Палажэння №150).
17.04.2017 15:58 - 04.01.2022 11:40